ಕಾರ್ಕಳದಲ್ಲಿ ವಕ್ಫ್‌ ಆಸ್ತಿಗಳ ಉಮ್ಮೀದ್‌ ಪೋರ್ಟಲ್‌ ಅಪ್ಲೋಡ್‌ ಕಾರ್ಯಕ್ಕೆ ಚಾಲನೆ

ಕಾರ್ಕಳ : ಕೇಂದ್ರ ಸರ್ಕಾರದ ವಕ್ಫ್‌ ಆಸ್ತಿಗಳನ್ನು ಡಿಜಿಟಲ್‌ ರೂಪದಲ್ಲಿ ಪಾರದರ್ಶಕವಾಗಿ ದಾಖಲು ಮಾಡಲು ರೂಪಿಸಿದ ‘ಉಮ್ಮೀದ್‌ ಪೋರ್ಟಲ್‌’ ಯೋಜನೆಗೆ ಉಡುಪಿ ಜಿಲ್ಲೆಯಲ್ಲಿ ಅಧಿಕೃತ ಚಾಲನೆ ದೊರೆತಿದೆ. ಇದರ ಅಂಗವಾಗಿ ಕಾರ್ಕಳ ತಾಲೂಕಿನ ಮಸೀದಿಗಳು, ಮದ್ರಸಗಳು ಹಾಗೂ ವಕ್ಫ್‌ ಆಸ್ತಿಗಳನ್ನು ಪೋರ್ಟಲ್‌ಗೆ ಅಪ್ಲೋಡ್‌ ಮಾಡುವ ಕಾರ್ಯಕ್ರಮವು ಇಂದು ಕಾರ್ಕಳ ಜಾಮಿಯಾ ಮಸೀದಿಯ ಶಾದಿ ಮಹಲ್‌ ಸಾಲ್ಮರದಲ್ಲಿ ನಡೆಯಿತು.

ಈ ಕಾರ್ಯಕ್ರಮವನ್ನು ಕಾರ್ಕಳ ಬ್ಲಾಕ್‌ ಕಾಂಗ್ರೆಸ್‌ ಅಲ್ಪಸಂಖ್ಯಾತ ಘಟಕದ ವತಿಯಿಂದ ಹಾಗೂ ನಮ್ಮ ನಾಡ ಒಕ್ಕೂಟ ಕಾರ್ಕಳ, ಜಿಲ್ಲಾ ಮುಸ್ಲಿಂ ಒಕ್ಕೂಟ ಕಾರ್ಕಳ, ಜಮೀಯಾತುಲ್ ಫಲಹ್ ಕಾರ್ಕಳ, ಮುಸ್ಲಿಂ ಜಮಾತ್ ಕಾರ್ಕಳ ಮತ್ತು ಕರ್ನಾಟಕ ಮುಸ್ಲಿಂ ಜಮಾತ್ ಕಾರ್ಕಳ ಇವರ ಸಹಯೋಗದಲ್ಲಿ ಆಯೋಜಿಸಲಾಯಿತು.

ಕಾರ್ಯಕ್ರಮದಲ್ಲಿ ಕಾರ್ಕಳ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಸುಬೋದ್‌ ರಾವ್, ಮುಖಂಡರಾದ ಶರ್ಫುದ್ದೀನ್‌ ಶೇಖ್‌ (ಕಾಪು), ಅಶ್ಫಾಕ್‌ ಅಹಮ್ಮದ್‌ (ಕಾರ್ಕಳ), ಶೇಖ್‌ ಶಬ್ಬೀರ್‌ (ಮಿಯಾರ್), ಎಂ.ಪಿ. ಮೊಯ್ದಿನಬ್ಬ, ರಹೀಮ್‌ (ಎನ್ನಹೊಳೆ), ನಕ್ವಾ ಯಹಿಯಾ, ತನ್ವೀರ್‌ (ತೆಳ್ಳಾರ್), ಮೊಹಮ್ಮದ್‌ ಶರೀಫ್‌, ಝಾಕಿರ್‌, ಮೊಹಮ್ಮದ್‌ ಗೌಸ್‌, ಮೊಹಮ್ಮದ್‌ ಹುಸೈನ್‌, ಅಬ್ದುಲ್‌ (ಸಾನೂರ್), ನಾಸೀರ್‌ (ಬೈಲೂರ್) ಮುಂತಾದವರು ಭಾಗವಹಿಸಿದರು.

ವಕ್ಫ್‌ ಅಧಿಕಾರಿಯಾದ ನಾಝಿಯಾ ಮತ್ತು ಅವರ ಸಿಬ್ಬಂದಿ ವರ್ಗವು ಆಸ್ತಿಗಳ ಮಾಹಿತಿಯನ್ನು ಉಮ್ಮೀದ್‌ ಪೋರ್ಟಲ್‌ನಲ್ಲಿ ಅಪ್ಲೋಡ್‌ ಮಾಡುವ ಕಾರ್ಯವನ್ನು ಪ್ರಾರಂಭಿಸಿದರು. ತಾಲೂಕಿನ ವಿವಿಧ ಮಸೀದಿಗಳ ಅಧ್ಯಕ್ಷರು ಮತ್ತು ಕಾರ್ಯದರ್ಶಿಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.