ಕಾಪು | ಹೆಚ್.ಆರ್.ಎಸ್. ವತಿಯಿಂದ ವಿದ್ಯಾರ್ಥಿಗಳಿಗೆ ಪ್ರಥಮ ಚಿಕಿತ್ಸೆ ತರಗತಿ

ಹ್ಯುಮ್ಯಾನಿಟರಿಯನ್ ರಿಲೀಫ್ ಸೊಸೈಟಿ (HRS) ಕಾಪು ಶಾಖೆ ವತಿಯಿಂದ ಸರಕಾರಿ ಉರ್ದು ಸಂಯುಕ್ತ ಪ್ರೌಢ ಶಾಲೆ ಮಲ್ಲಾರ್ ಹಾಗೂ ಮೌಲಾನಾ ಅಝಾದ್ ಇಂಗ್ಲಿಷ್ ಹೈ ಸ್ಕೂಲ್‌ನ ವಿದ್ಯಾರ್ಥಿಗಳಿಗೆ ಪ್ರಥಮ ಚಿಕಿತ್ಸೆ ಕುರಿತು ತರಗತಿ ನಡೆಯಿತು.

ತರಬೇತುದಾರ ಮುಹಮ್ಮದ್ ಸಲೀಮ್ ಮಲ್ಪೆ ಅವರು ಅಪಘಾತ ಅಥವಾ ಅವಘಡದ ಸಂದರ್ಭದಲ್ಲಿ ತಕ್ಷಣ ನೀಡಬೇಕಾದ ಪ್ರಥಮ ಚಿಕಿತ್ಸೆಯ ಕುರಿತು ಪ್ರಾಯೋಗಿಕ ಮಾಹಿತಿಯನ್ನು ನೀಡಿದರು.

ಮಾಜಿ ತ್ರಿ-ಜಿಲ್ಲಾ ಸಂಚಾಲಕ ಅನ್ವರ್ ಅಲಿ ಕಾಪು ಅವರು ಸಂಸ್ಥೆಯ ಸೇವಾ ಚಟುವಟಿಕೆಗಳ ಕುರಿತು ಮಾಹಿತಿ ನೀಡಿ ಅತಿಥಿಗಳನ್ನು ಸ್ವಾಗತಿಸಿದರು. ಜಿಲ್ಲಾ ಅಧ್ಯಕ್ಷ ಮುಹಮ್ಮದ್ ಬಿಲಾಲ್ ಮಲ್ಪೆ ಟ್ರೈನರ್ ಝುಬೇರ್ ಮಲ್ಪೆ, ಪುರಸಭೆ ಸದಸ್ಯ ನೂರುದ್ದೀನ್, ಮುಖ್ಯ ಉಪಾಧ್ಯಾಯಿನಿಯರಾದ ಜೋಯ್ಸ್ ಮೇಡಮ್ ಮತ್ತು ನಿಹಾ ಮೇಡಮ್ ಉಪಸ್ಥಿತರಿದ್ದರು.

ಕಾರ್ಯಕ್ರಮದಲ್ಲಿ ಮುಹಮ್ಮದ್ ಫಾರೂಕ್, ಕಲೀಮುಲ್ಲಾ, ಶೇಖ್ ಸನಾವರ್ ಉಪಸ್ಥಿತರಿದ್ದು, ಮುಹಮ್ಮದ್ ಅಲಿ ನಿರೂಪಣೆ ನಡೆಸಿದರು. ಅಬ್ದುಲ್ ಜಲೀಲ್ ಧನ್ಯವಾದ ಸಲ್ಲಿಸಿದರು. ಕೊನೆಯಲ್ಲಿ ಸಿಹಿ ತಿಂಡಿ ಹಾಗೂ ಪಾನೀಯ ವಿತರಿಸಲಾಯಿತು.