ರಿಯಾದ್‌ನಲ್ಲಿ ಖಿದ್ಮಾ ಫೌಂಡೇಶನ್ ವತಿಯಿಂದ ಭವ್ಯ ಕ್ರಿಕೆಟ್ ಟೂರ್ನಮೆಂಟ್

ರಿಯಾದ್‌ನ ಎಕ್ಸಿಟ್‌ 18ರಲ್ಲಿ ಇರುವ ಎಮ್.ಸಿ.ಎ ಕ್ರಿಕೆಟ್ ಮೈದಾನದಲ್ಲಿ ನವೆಂಬರ್ 20 ಮತ್ತು 21ರಂದು ಖಿದ್ಮಾ ಫೌಂಡೇಶನ್ ರಿಯಾದ್ ಘಟಕದ ವತಿಯಿಂದ ಯುವಜನರ ಮಾನಸಿಕ ಮತ್ತು ದೈಹಿಕ ಬೆಳವಣಿಗೆಗಾಗಿ ಮತ್ತು ಯುವಕರ ಸಾಮರ್ಥ್ಯವನ್ನು ಅಭಿವೃದ್ಧಿಪಡಿಸಲು ಭವ್ಯ ಕ್ರಿಕೆಟ್ ಟೂರ್ನಮೆಂಟ್ ಆಯೋಜಿಸಲಾಯಿತು. 12 ಅಗ್ರ ಶ್ರೇಣಿಯ ತಂಡಗಳು ಲೀಗ್-ಕಮ್-ನಾಕ್ಔಟ್ ಫಾರ್ಮ್ಯಾಟ್‌ನಲ್ಲಿ ಪಂದ್ಯಾವಳಿಯಲ್ಲಿ ತೀವ್ರ ಸ್ಪರ್ಧೆ ನಡೆಸಿದವು.

ಈ ಕ್ರೀಡಾಕೂಟವನ್ನು ಖಿದ್ಮಾ ಫೌಂಡೇಶನ್ ಕ್ರೀಡಾ ಸಮಿತಿಯ ಶಾಹಿದ್ ಕೊಲ್ಕಾರ್ ಮತ್ತು ಅಶ್ರಫ್ ಶೇಖ್ ಕೋಟೇಶ್ವರ ಅವರ ನೇತೃತ್ವದಲ್ಲಿ ಯಶಸ್ವಿಯಾಗಿ ನಡೆಯಿತು. ಸಮಿತಿ ಸದಸ್ಯರಾದ ತೌಹೀದ್ ನಾಗೂರ್, ಜಿ.ಎಮ್. ಫೈಸಲ್ ಮತ್ತು ಮೀರಾ ಮುರಾದ್ ಅವರು ಪಂದ್ಯಾಟದ ಯಶಸ್ಸಿಗೆ ಹಗಲು-ರಾತ್ರಿ ಶ್ರಮಿಸಿದರು.

ಟೂರ್ನಮೆಂಟ್‌ನಲ್ಲಿ 12 ತಂಡಗಳು ಕಿಂಗ್ಡಮ್ ಫೈಟರ್ಸ್, ಯುನೈಟೆಡ್ ಕುಂದಾಪುರ, ಕೆ.ಎ. 19 ವಾರಿಯರ್ಸ್, ಟೀಮ್ ಐ.ಟಿ.ಎಲ್., 7 ಸ್ಟಾರ್, ಪ್ಯಾರಾಮೌಂಟ್, ಈಗಲ್ ಸ್ಟ್ರೈಕರ್, ಓ.ಜಿ. ವಾರಿಯರ್ಸ್, ಆಶೆಸ್ ಸಿ.ಸಿ, ದಲ್ವಾಯಿ 11, ಕೊಂಕಣ ಫೈಟರ್ಸ್ ಮತ್ತು ರೆಬೆಲ್ಸ್ ರಿಯಾದ್ ಭಾಗವಹಿಸಿದ್ದವು. ಈ ವರ್ಷದ ಪಂದ್ಯಾಟದ ವಿಶೇಷತೆ ಎಂದರೆ ಸೌದಿ ರಾಷ್ಟ್ರೀಯ ತಂಡದ ಆಟಗಾರರು ಹಾಗೂ ಹಲವು ದೇಶಗಳ ಪ್ರತಿಭಾವಂತ ಆಟಗಾರರು ಭಾಗವಹಿಸಿದ್ದರು. ಇದು ಟೂರ್ನಮೆಂಟ್‌ನ ವೈವಿಧ್ಯತೆಯನ್ನು ಹೆಚ್ಚಿಸಿತು.

ಫೈನಲ್ ಪಂದ್ಯ ವಿಶೇಷ ರೋಚಕತೆಯಿಂದ ಕೂಡಿತ್ತು. ಟೀಮ್ 7 ಸ್ಟಾರ್ 6 ಓವರ್‌ಗಳಲ್ಲಿ 62/3 ರನ್‌ಗಳನ್ನು ಬಾರಿಸಿ ಬಲವಾದ ಗುರಿಯನ್ನು ನಿಗದಿ ಮಾಡಿತು. ಮೋಹ್ಸಿನ್ ದೇಶ್‌ಮುಖ್ 22 ಚೆಂಡುಗಳಲ್ಲಿ 42 ರನ್‌ಗಳ ಅದ್ಭುತ ಇನ್ನಿಂಗ್ಸ್ ಹಾಗೂ ಸಂದೀಪ್ ವಯನಾಡ್ 2 ಓವರ್‌ಗಳಲ್ಲಿ ಕೇವಲ 8 ರನ್ ನೀಡಿ 2 ವಿಕೆಟ್ ಪಡೆಯುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಪ್ಯಾರಾಮೌಂಟ್ ತಂಡ ಗುರಿಯನ್ನು ಚೇಸ್ ಮಾಡಲು ವಿಫಲವಾಗಿ 6 ಓವರ್‌ಗಳಲ್ಲಿ 54/8 ರನ್‌ಗಳನ್ನು ಮಾತ್ರ ಪಡೆದಿತು. ಮಿಥುನ್ ಕುಲಾಲ್ 13 ರನ್‌ಗಳೊಂದಿಗೆ ತಂಡದ ಪರ ಹೆಚ್ಚು ಸ್ಕೋರ್ ಮಾಡಿದರು.

ಗ್ರ್ಯಾಂಡ್ ಫೈನಲ್ ಸಮಾರಂಭವನ್ನು ಖಿದ್ಮಾ ಫೌಂಡೇಶನ್ ಚೇರ್ಮನ್ ಫಝ್ಲು ರೆಹ್ಮಾನ್, ಉಪಾಧ್ಯಕ್ಷರರಾದ ಮೊಹಮ್ಮದ್ ಜವ್ವಾದ್ ಮತ್ತು ಮೊಹಮ್ಮದ್ ಹಾರಿಸ್ ಹಾಗೂ ಪ್ರಧಾನ ಕಾರ್ಯದರ್ಶಿ ಅಶ್ರಫ್ ಶೇಖ್ ಅವರು ಉದ್ಘಾಟಿಸಿದರು. ಸಮಾರಂಭವನ್ನು ಶಾಹಿದ್ ಕೊಲ್ಕಾರ್ ನಿರೂಪಿಸಿದರು. ವಿಜೇತ, ರನ್ನರ್-ಅಪ್ಸ್ ಸೇರಿದಂತೆ ಉತ್ತಮ ಆಟಗಾರರಿಗೆ ಆಕರ್ಷಕ ಬಹುಮಾನಗಳನ್ನು ಪ್ರದಾನ ಮಾಡಲಾಯಿತು.

ವಿಶೇಷ ಪ್ರಶಸ್ತಿಗಳ ವಿಜೇತರು:

• ಉತ್ತಮ ಬ್ಯಾಟ್ಸ್‌ಮನ್: ಇರ್ಷಾದ್ (ಟೀಮ್ ಅಶೀಸ್)

• ಉತ್ತಮ ಬೌಲರ್: ರಮೀಸ್ ಪೊಲ್ಯಾ (ಟೀಮ್ 7 ಸ್ಟಾರ್)

• ಮೊಸ್ಟ್ ವ್ಯಾಲ್ಯೂಬಲ್ ಪ್ಲೇಯರ್: ಅಜ್ಮಲ್ ಲಂಕಾ (ಟೀಮ್ ಪ್ಯಾರಾಮೌಂಟ್)

ಖಿದ್ಮಾ ಫೌಂಡೇಶನ್ ಮುಂದಿನ ವರ್ಷಗಳಲ್ಲಿಯೂ ಇಂತಹ ಕ್ರೀಡಾ ಕಾರ್ಯಕ್ರಮಗಳನ್ನು ಆಯೋಜಿಸುವ ಮೂಲಕ ಕ್ರೀಡೆಯ ಮೂಲಕ ಸಾಮಾಜಿಕ ಬಾಂಧವ್ಯವನ್ನು ವೃದ್ಧಿಸುವ ಸಂಕಲ್ಪವನ್ನು ವ್ಯಕ್ತಪಡಿಸಿದೆ.