ಹಾಜಿ ಡಾ.ಶೇಖ್ ವಹೀದ್ ದಾವೂದ್ ಫ್ಯಾಮಿಲಿ ಟ್ರಸ್ಟ್ ವತಿಯಿಂದ ಸ್ನೇಹ ಸಮ್ಮಿಲನ ಕಾರ್ಯಕ್ರಮ

ಡಾ. ಶೇಖ್ ವಹೀದ್ ದಾವೂದ್ ಫ್ಯಾಮಿಲಿ ಟ್ರಸ್ಟ್ (ರಿ.)ಇದರ ವತಿಯಿಂದ ಅಧ್ಯಕ್ಷರಾದ ಹಾಜಿ ಡಾ. ಶೇಖ್ ವಹೀದ್ ದಾವೂದ್ ರವರ ನೇತೃತ್ವದಲ್ಲಿ ಸ್ನೇಹ ಸಮ್ಮಿಲನ ಕಾರ್ಯಕ್ರಮ ಇಂದು ಮಣಿಪಾಲದ ಜೈನಬ್ ವೆಲ್ಕಮ್ ಹಾಲ್‌ನಲ್ಲಿ ಜರಗಿತು.

ಕಾರ್ಯಕ್ರಮದಲ್ಲಿ ಮಾಜಿ ಸಚಿವರು ಹಾಗೂ ಮಾಜಿ ಸಂಸದರಾದ ಶ್ರೀ ವಿನಯ್ ಕುಮಾರ್ ಸೊರಕೆ, ಕರಾವಳಿ ಪ್ರಾಧಿಕಾರ ಮಂಡಳಿಯ ಅಧ್ಯಕ್ಷ ಎಂ. ಎ. ಗಫೂರ್, ಉಡುಪಿ ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತರ ಘಟಕದ ಅಧ್ಯಕ್ಷ ಶರ್ಪುದ್ದೀನ್ ಶೇಖ್‌ ಸೇರಿದಂತೆ ಅನೇಕ ಗಣ್ಯರು ಭಾಗವಹಿಸಿ ಸಮಾರಂಭವನ್ನು ಉದ್ದೇಶಿಸಿ ಮಾತನಾಡಿದರು.

ಡಾ. ಶೇಖ್ ವಹೀದ್ ದಾವೂದ್ ಫ್ಯಾಮಿಲಿ ಟ್ರಸ್ಟ್‌ ಮಾಡುತ್ತಿರುವ ಸಮಾಜಸೇವೆ, ಬಡಜನರ ಬಗ್ಗೆ ತೋರಿಸುತ್ತಿರುವ ಕಾಳಜಿ ಮತ್ತು ಮಾನವೀಯ ಕಾರ್ಯಗಳನ್ನು ಸಭಾಧ್ಯಕ್ಷರು ಹಾಗೂ ಅತಿಥಿಗಳು ಮೆಚ್ಚುಗೆ ವ್ಯಕ್ತಪಡಿಸಿದರು.

ಕಾರ್ಯಕ್ರಮದ ಸಂದರ್ಭದಲ್ಲಿ ಎಂ. ಎ. ಗಫೂರ್, ನಿತ್ಯಾನಂದ ವಲಕಾಡು, ಮೌಲಾನಾ ಅಬ್ದುಲ್ ಹಫೀಜ್, ಶಾಂತಾರಾಮ್ ಶೆಟ್ಟಿ, ಅನ್ವರ್ ಶೇಖ್, ಅಜ್ಮಲ್ ಅಸಾದ್ ಸೇರಿದಂತೆ ಹಲವರಿಗೆ ಸನ್ಮಾನ ನೆರವೇರಿಸಲಾಯಿತು. ಹಾಗೆಯೇ ಡಾ. ಶೇಖ್ ವಹೀದ್ ದಾವೂದ್ ರವರನ್ನೂ ಅವರ ಅಭಿಮಾನಿ ಬಳಗವು ಗೌರವಿಸಿತು.

ಸಮಾರಂಭದಲ್ಲಿ ವಿವಿಧ ಮಸೀದಿಗಳ ಮೌಲಾನಾಗಳು, ಡಾ. ಪೈಸಲ್, ಸಂಪತ್ ರಾವ್ ಸೇರಿದಂತೆ ಅನೇಕ ಗಣ್ಯರು, ಸಮಾಜಮುಖಿ ಮುಖಂಡರು ಉಪಸ್ಥಿತರಿದ್ದರು. ಕಾರ್ಯ ಕ್ರಮವು ಸ್ನೇಹ, ಸಹಭಾಗಿತ್ವ ಮತ್ತು ಸೇವಾ ಚಟುವಟಿಕೆಗಳ ಬಲವರ್ಧನೆಗೆ ವೇದಿಕೆಯಾಯಿತು.